Embrion dondurma nə vaxt lazımdır?
- süni mayalanmadan sonra transfer olunmayan keyfiyyətli embrionlar qaldıqda;
- endometrium və ya hormonal vəziyyət təzə transfer üçün uyğun olmadıqda;
- embrionların genetik test (PGT) nəticəsini gözləmək lazım olduqda.
Dondurulmuş embrionlar gələcək transferlərdə istifadə olunur. Bu, cütlüyü yenidən stimulyasiya və yumurta toplama mərhələsindən keçmək ehtiyacından qoruya bilər.
Yumurta dondurma
Yumurta dondurma ana olmağı təxirə salmalı olan xanımlar üçün fertilliyi qorumaq üsuludur.
Yumurta dondurma haqqında ətraflı
Sperma dondurma
Sperma kişinin yumurta toplama günü iştirak edə bilməyəcəyi hallarda, TESE ilə əldə olunan nümunələr üçün, həmçinin spermin keyfiyyətinə təsir edə biləcək müalicədən əvvəl dondurulur. Mövcud araşdırmalar dondurulmuş sperma ilə mayalanmadan doğulan uşaqların sağlamlıq göstəricilərinin təzə sperma ilə doğulan uşaqlardan fərqlənmədiyini göstərir.
Dondurulmuş embrion və yumurta sonradan uğurla istifadə oluna bilərmi?
Bəli, amma nəticəni əvvəlcədən demək olmaz. Əridildikdən sonra hər embrion və ya yumurta eyni dərəcədə salamat qalmaya bilər. Nəticə dondurma zamanı qadının yaşından, hüceyrələrin keyfiyyətindən və laboratoriyanın təcrübəsindən asılıdır. Dondurma və əritmə mərhələləri laboratoriyada ən çox diqqət tələb edən proseslərdəndir.
Embrionu başqa yerə daşımaq mümkündürmü?
Bəli, texniki cəhətdən mümkündür: embrionlar xüsusi daşınma konteynerlərində, dondurulmuş vəziyyətdə təhlükəsiz daşına bilər. Belə hallarda şərtləri əvvəlcədən mərkəzlə razılaşdırmaq lazımdır.